AZƏRBAYCAN SÜNİ İNTELLEKT OLİMPİADASI

AI AZERBAIJAN 2027

MİLLİ SEÇİM TURU ÜZRƏ RƏSMİ TƏLİMAT

Azərbaycan üzrə rəsmi təşkilatçı

GLOBAL OLYMPIAD CENTER

1. ÜMUMİ MƏLUMAT VƏ MƏQSƏD

Süni intellekt XXI əsrin ən mühüm strateji istiqamətlərindən biri olmaqla, təhsil, elm, texnologiya və iqtisadiyyat daxil olmaqla bütün sahələrdə innovasiya və transformasiyanın əsas hərəkətverici qüvvəsinə çevrilmişdir.

Azərbaycan Süni İntellekt Olimpiadası (AI Azerbaijan) Global Olympiad Center tərəfindən təşkil olunur. Proqramın məqsədi məktəblilər arasında riyazi və məntiqi düşüncə mədəniyyətini inkişaf etdirmək, analitik potensiala malik şagirdləri üzə çıxarmaq və süni intellekt sahəsinə marağı gücləndirməkdir.

Milli Seçim Turu olimpiadanın ilkin qiymətləndirmə mərhələsidir. Bu mərhələdə iştirakçıların riyazi təfəkkürü, məntiqi düşünmə bacarığı, ardıcıllıq qurma, məlumatı təhlil etmə və sadə alqoritmik modelləşdirmə qabiliyyəti yoxlanılır.

2. İŞTİRAKÇILAR VƏ KATEQORİYALAR

Olimpiadada Azərbaycan Respublikasında və xaricdə fəaliyyət göstərən məktəblərin 5–11-ci sinif şagirdləri iştirak edə bilərlər. Qiymətləndirmənin yaş və təhsil səviyyəsinə uyğun aparılması üçün iştirakçılar iki kateqoriyaya bölünür:

Hər iki kateqoriya üzrə imtahanın strukturu və qiymətləndirmə prinsipi eynidir. Tapşırıqların çətinlik səviyyəsi iştirakçıların yaş qrupuna uyğunlaşdırılır.

3. İMTAHANIN STRUKTURU

4. SUAL BÖLMƏLƏRİ VƏ SİLLABUS

5. SUAL PAYLANMASI

Bu bölgü süni intellekt sahəsi üçün tələb olunan riyazi baza ilə məntiqi və analitik təfəkkür arasındakı tarazlığı qorumaq məqsədilə müəyyən edilmişdir.

6. QİYMƏTLƏNDİRMƏ SİSTEMİ

·  Hər düzgün cavab 4 balla qiymətləndirilir.

·  Yanlış cavaba görə bal çıxılmır.

·  Cavablandırılmamış sual 0 bal hesablanır.

·  Birdən çox cavab işarələnmiş sual yanlış cavab kimi qiymətləndirilir.

·  Yekun sıralama hər kateqoriya üzrə ayrıca aparılır.

7. KEÇİRİLMƏ FORMATI VƏ ŞƏHƏRLƏR

Milli Seçim Turu əyani formatda, şəxsi iştirakla keçiriləcəkdir. İmtahan 10 yanvar 2027-ci il tarixində saat 11:00-da bütün mərkəzlərdə eyni vaxtda başlayacaqdır.

İştirakçı qeydiyyat zamanı uyğun şəhəri seçir. İmtahan materialları bütün mərkəzlərə mərkəzləşdirilmiş qaydada təqdim edilir və imtahan prosesi vahid nəzarət standartları əsasında həyata keçirilir.

8. ŞƏXSİ KABİNET VƏ NƏTİCƏLƏR

·  İmtahanın dəqiq ünvanı və iştirakçıya aid təşkilati məlumatlar imtahandan əvvəl şəxsi kabinetdə yerləşdiriləcəkdir.

·  İştirakçı və valideyn şəxsi kabineti mütəmadi yoxlamalıdır.

·  Nəticələrin imtahandan sonra təxminən 3 iş günü ərzində şəxsi kabinetdə elan olunması nəzərdə tutulur.

·  Şagird şəxsi kabinetdə ümumi balını, düzgün, yanlış və cavabsız sualların sayını, eləcə də cavab statuslarını görə bilər.

·  Milli Finala keçid statusu kateqoriya üzrə yekun sıralama təsdiqləndikdən sonra sistemdə göstərilir.

9. APELLYASİYA QAYDASI

Nəticələr elan edildikdən sonra apellyasiya bölməsi şəxsi kabinetdə məhdud müddət ərzində aktivləşdirilir. Apellyasiya müddəti təşkilati qərara əsasən 12 və ya 24 saat ola bilər.

·  Müraciətdə iştirakçının adı, soyadı, kateqoriyası və etiraz etdiyi sual nömrəsi göstərilməlidir.

·  Etirazın səbəbi aydın və əsaslandırılmış şəkildə izah edilməlidir.

·  Ümumi xarakterli, səbəbsiz və ya müddət bitdikdən sonra təqdim olunan müraciətlərə baxılmır.

·  Apellyasiya ekspert heyəti tərəfindən araşdırılır və qəbul edilmiş qərar yekun nəticələrdə əks olunur.

10. TƏŞKİLATÇININ ÖHDƏLİKLƏRİ

·  İmtahan materiallarının məxfiliyini və təhlükəsizliyini təmin etmək;

·  Bütün imtahan mərkəzlərində vahid qayda və qiymətləndirmə standartlarını tətbiq etmək;

·  Nəticələri və rəsmi bildirişləri şəxsi kabinet vasitəsilə vaxtında təqdim etmək;

·  Apellyasiya müraciətlərinin obyektiv ekspert qiymətləndirilməsini təşkil etmək.

13. SUAL NÜMUNƏLƏRİ VƏ HAZIRLIQ MATERİALLARI

Bu bölmədə rəsmi sual nümunələri və hazırlıq materiallarına keçid sonradan əlavə ediləcəkdir.

14. ƏLAQƏ

Global Olympiad Center bütün iştirakçılara uğurlar arzulayır!

11. İMTAHAN QAYDALARI VƏ NİZAM-İNTİZAM

·  İştirakçı nəzarətçi “Başlayın” göstərişi vermədən sual kitabçasını açmamalıdır.

·  Mobil telefon, ağıllı saat, planşet, qulaqcıq və digər elektron cihazlardan istifadə qadağandır.

·  İştirakçı imtahana başlamazdan əvvəl ona təqdim olunan kitabçanın kateqoriyasını yoxlamalıdır.

·  Cavablar yalnız cavab vərəqində və göy rəngli diyircəkli qələmlə qeyd edilməlidir.

·  Hər suala yalnız bir cavab verilməlidir. İki və ya daha çox variant işarələndikdə cavab yanlış hesab olunur.

·  Nəzarətçidən sualın həlli, mənası və ya düzgün cavabı ilə bağlı izah istəmək olmaz.

·  İmtahan zamanı kömək almaq, kömək göstərmək, köçürmək və ya icazəsiz materialdan istifadə etmək diskvalifikasiya ilə nəticələnir.

·  İştirakçılar bir-birindən qələm, silgi və digər ləvazimat istəyə bilməzlər.

·  İlk 30 dəqiqə ərzində imtahan zalını tərk etmək qadağandır. Zalı tərk edən iştirakçı yenidən imtahana buraxılmır.

·  İmtahan zalını tərk etməzdən əvvəl cavab vərəqi nəzarətçiyə təhvil verilməlidir.

·  İş nömrəsi, ad və soyad cavab vərəqində düzgün qeyd edilməlidir. Yanlış məlumatın yaratdığı nəticəyə görə iştirakçı məsuliyyət daşıyır.

12. İŞTİRAKÇININ VƏ VALİDEYNİN MƏSULİYYƏTİ

·  Qeydiyyat zamanı təqdim olunan məlumatların düzgün və aktual olmasını təmin etmək;

·  Şəxsi kabinetdə elan olunan məkan, vaxt və digər bildirişləri vaxtında yoxlamaq;

·  İmtahan günü iştirakçının şəxsiyyətini təsdiq edən sənəd və tələb olunan ləvazimatlarla gəlməsini təmin etmək;

·  Rəsmi təlimat və nəzarətçilərin göstərişlərinə riayət etmək.

AI Azerbaijan 2027 — Final mərhələsi

AI Azerbaijan Seçim Turu başa çatdıqdan sonra Final mərhələsinin tarixi, formatı, proqramı və iştirak şərtləri barədə ətraflı məlumat təqdim ediləcək.

Seçim turunda yüksək nəticə göstərən şagirdlər Azərbaycan üzrə Final mərhələsində iştirak hüququ qazanacaqlar. Final turunda uğur əldə edən ən güclü iştirakçılar isə 2027-ci ilin avqust ayında Serbiyada keçiriləcək beynəlxalq final mərhələsində Azərbaycanı təmsil edəcəklər.

AI Azerbaijan gənclərə süni intellekt, analitik düşünmə və texnoloji problem həlli bacarıqlarını beynəlxalq səviyyədə nümayiş etdirmək üçün mühüm imkan yaradır.