FMO 2026-2027

Vyetnam Beynəlxalq Riyaziyyat Yarışması üzrə iştirakçı təlimatı

1. Əsas məlumatlar

2. İmtahan məkanları

3. Yarışma haqqında

Fermat Beynəlxalq Riyaziyyat Yarışması (FMO) riyaziyyata marağı olan şagirdlər üçün nəzərdə tutulmuş beynəlxalq yarışmadır. Yarışma şagirdlərdə riyazi düşünmə, analitik yanaşma, məntiqi nəticə çıxarma və real həyat situasiyalarında riyaziyyatdan istifadə bacarıqlarını inkişaf etdirməyi hədəfləyir.

FMO-da iştirak şagirdlərə biliklərini beynəlxalq səviyyədə sınamaq, fərqli ölkələrdən olan həmyaşıdları ilə eyni platformada yarışmaq və gələcək akademik portfoliolarını gücləndirmək imkanı yaradır.

4. İmtahan strukturu

5. Qiymətləndirmə meyarları

·        Çoxvariantlı suallarda səhv cavaba görə bal silinmir.

·        Yazılmayan sual 0 bal kimi qiymətləndirilir.

·        21-ci açıq sual səhv cavablandırılarsa, həmin sual üzrə 10 bal silinir.

6. Mükafatlandırma və final hüququ

·        Qızıl mükafat: hər sinif üzrə ilk 10%-ə düşən iştirakçılar.

·        Gümüş mükafat: hər sinif üzrə növbəti 20%-ə düşən iştirakçılar.

·        Bürünc mükafat: hər sinif üzrə növbəti 30%-ə düşən iştirakçılar.

·        Həvəsləndirici mükafat: hər sinif üzrə növbəti 20%-ə düşən iştirakçılar.

·        Qızıl, gümüş və bürünc mükafat qazanan iştirakçılar final mərhələsinə qeydiyyat hüququ əldə edə bilərlər.

·        Sıralama faizləri ümumi nəticələrə və iştirakçıların göstəricilərinə əsasən müəyyən edilir.

7. Nəticələr və apellyasiya

·        İştirakçılar ödəniş etdikdən sonra şəxsi kabinetlərinə daxil olmalı və məlumatlarını mütəmadi yoxlamalıdırlar.

·        İmtahandan təxminən 1 həftə əvvəl şəxsi kabinetdə imtahan məkanı və vaxtı görünəcəkdir.

·        İmtahandan sonra nəticələr şəxsi kabinetdə elan olunacaq. İştirakçılar balını, düzgün və səhv cavablarını sistem üzərindən görə biləcəklər.

·        Nəticələr elan edildikdən sonra şəxsi kabinetdə apellyasiya müraciəti aktivləşəcək.

·        Apellyasiya müraciətində iştirakçı ad-soyadını, sinfini, etiraz etdiyi sual nömrələrini və əsaslandırmanı qeyd etməlidir.

·        Apellyasiya müddəti elan edilən vaxt çərçivəsində aktiv olur. Müddət bitdikdən sonra müraciətlər qəbul edilmir.

·        Apellyasiya prosesi yekunlaşdıqdan sonra nəticələr yenilənir və medal statusu şəxsi kabinetdə görünür.

8. İmtahan günü qaydaları

·        İştirakçılar imtahan zalında nəzarətçinin göstərişlərinə əməl etməlidirlər.

·        Elektron cihazlardan istifadə qəti qadağandır. Telefon, smart saat, qulaqcıq və digər elektron vasitələr imtahan zamanı istifadə oluna bilməz.

·        İmtahan başlamazdan əvvəl şagird ona verilən kitabçanı və cavab kartını yoxlamalıdır. İmtahan başladıqdan sonra yanlış kitabça ilə bağlı müraciət qəbul edilmir.

·        Cavab kartı yalnız göy rəngli diyircəkli qələmlə doldurulmalıdır.

·        Hər suala yalnız bir cavab qeyd edilməlidir. Birdən çox cavab işarələnən sual səhv cavab kimi qiymətləndirilir.

·        Şagirdlər sualın məzmunu, mənası və ya həlli ilə bağlı nəzarətçiyə sual verə bilməzlər.

·        İmtahan zamanı yardım almaq, yardım göstərmək, köçürmək və ya buna şərait yaratmaq ciddi qayda pozuntusudur və diskvalifikasiyaya səbəb ola bilər.

·        Şagirdlər bir-birindən qələm, silgi və digər ləvazimat istəyə bilməzlər. Hər iştirakçı öz ləvazimatından istifadə etməlidir.

·        İlk 30 dəqiqə ərzində imtahan zalından çıxmaq qadağandır. Zalı tərk edən iştirakçı yenidən imtahana buraxılmır.

·        İmtahan zalını tərk etməzdən əvvəl cavab kartı mütləq nəzarətçiyə təhvil verilməlidir.

·        İş nömrəsi, ad və soyad cavab kartına düzgün yazılmalıdır. Yanlış məlumat nəticənin sistemdə düzgün görünməməsinə səbəb ola bilər və buna görə məsuliyyət iştirakçının üzərinə düşür.

9. Ödəniş və qeydiyyat dəyişikliyi

·        Ödəniş geri qaytarılmır.

·        Yalnız zəruri hallarda və təşkilatçının təsdiqi ilə qeydiyyat məlumatlarında dəyişiklik edilə bilər.

·        Dəyişiklik müraciətləri imtahandan əvvəl və təşkilatçının müəyyən etdiyi müddət çərçivəsində qəbul edilir.

·        İmtahan günü və ya imtahandan sonra dəyişiklik müraciətləri qəbul olunmaya bilər.

·        Qeydiyyat məlumatlarının düzgün daxil edilməsinə görə valideyn və iştirakçı məsuliyyət daşıyır.

10. Sertifikat və mükafatların təqdim olunması

·        Medal qazanan iştirakçılar medal və sertifikatlarını mükafatlandırma mərasimində əldə edə bilərlər.

·        Mərasimdə iştirak etməyən medalçılar medalını təşkilatçı tərəfindən elan edilən müddət ərzində ofisdən götürə bilərlər.

·        Sertifikatlar şəxsi kabinetdə elektron formada təqdim olunur.

·        Fəxri fərman və iştirakçı sertifikatları şəxsi kabinetdən əldə edilə bilər.

11. Təşkilati dəyişiklik hüququ

Global Olympiad Center iştirakçı sayı, məkanın texniki imkanları, şəhər üzrə böyük tədbirlər, təhlükəsizlik və digər təşkilati səbəblərlə bağlı imtahanın məkanı və ya saatında dəyişiklik etmək hüququnu özündə saxlayır. Bu halda iştirakçılara şəxsi kabinet və rəsmi kommunikasiya kanalları vasitəsilə məlumat veriləcəkdir.

12. İmtahan günü üçün qısa yoxlama siyahısı

13. Nümunə suallar və silabus

Nümunə suallar və silabusla tanış olmaq üçün rəsmi keçiddən istifadə edin:

https://drive.google.com/drive/folders/19jrNugvoH_toBPVBBa3psGw-eEMXVVPY

Beynəlxalq Final Turu

FMO Beynəlxalq Riyaziyyat Yarışmasının final mərhələsinin 15–17 yanvar 2027-ci il tarixlərində Vyetnamın Ho Chi Minh şəhərində keçirilməsi planlaşdırılır.

Seçim turunda uğur qazanan iştirakçılar müxtəlif ölkələrdən gələn şagirdlərlə beynəlxalq səviyyədə yarışmaq, riyazi bacarıqlarını nümayiş etdirmək və zəngin akademik-mədəni təcrübə qazanmaq imkanı əldə edəcəklər.

Finalın dəqiq proqramı və iştirak şərtləri daha sonra elan olunacaq.

Gözlənilən tarix: 15–17 yanvar 2027
Gözlənilən məkan: Ho Chi Minh City, Vyetnam