USA ENGLISH OLYMPIAD 2026-2027

Amerikanın Beynəlxalq İngilis Dili Olimpiadası

Rəsmi Təlimat Vərəqi

1. Təşkilati məlumat

2. Keçirilmə məkanları

•  Bakı şəhəri - dəqiq məkan şəxsi kabinetdə və rəsmi bildirişdə elan olunacaq.

•  Sumqayıt - Sumqayıt Dövlət Universiteti

•  Gəncə - Gəncə Dünya Məktəbi

•  Naxçıvan - NDU Beynəlxalq Məktəbi

3. Olimpiada haqqında

USA English Olympiad ingilis dilini yalnız ünsiyyət vasitəsi kimi deyil, həm də analitik düşünmə, oxuyub-anlama, məntiqi nəticə çıxarma və düzgün ifadəetmə bacarığı kimi qiymətləndirən beynəlxalq yarışdır.

Olimpiada şagirdlərin ingilis dili üzrə akademik potensialını ölçməyi, onları beynəlxalq mühitdə öz biliklərini sınamağa hazırlamağı və gələcək akademik portfoliolarını gücləndirməyi hədəfləyir.

Olimpiadanın final mərhələsi ABŞ-da keçirilən qlobal raund çərçivəsində təşkil olunur. Seçim turunda uğurlu nəticə göstərən iştirakçılar final mərhələsinə qeydiyyat hüququ əldə edə bilərlər.

4. İmtahan strukturu

5. Kateqoriyalar

6. Qiymətləndirmə meyarları

•  1-10-cu suallar: hər düzgün cavab 3 bal

•  11-20-ci suallar: hər düzgün cavab 4 bal

•  21-30-cu suallar: hər düzgün cavab 5 bal

•  31-35-ci suallar: hər düzgün cavab 6 bal

•  Səhv cavaba görə bal silinmir.

•  Cavab yazılmayan sual üzrə bal verilmir və bal silinmir.

7. Mükafatlandırma və final hüququ

•  İştirak sertifikatı - seçim turunda iştirak edən bütün şagirdlərə təqdim olunur.

•  40-49% nəticə: Fəxri fərman sertifikatı

•  50-74% nəticə: Bürünc medal

•  75-90% nəticə: Gümüş medal + Qlobal Raund qeydiyyat haqqına 5% endirim

•  91-100% nəticə: Qızıl medal + Qlobal Raund qeydiyyat haqqına 10% endirim

•  Final mərhələsi ilə bağlı əlavə məlumat üçün Əli Mirzəyev ilə əlaqə saxlamaq olar: +994 50 371 42 80

8. Nəticələr və apellyasiya

•  Nəticələr imtahandan sonra şəxsi kabinetdə elan olunur. İştirakçılar ballarını, doğru və yanlış cavab sayını, həmçinin nəticə statusunu şəxsi kabinetdən izləyə biləcəklər.

•  Nəticələr elan olunduqdan sonra apellyasiya bölməsi aktivləşdirilə bilər.

•  Apellyasiya müraciətində şagirdin ad-soyadı, kateqoriyası, şikayət edilən sual nömrəsi və əsaslandırılmış izah qeyd olunmalıdır.

•  Apellyasiya yalnız rəsmi qaydalara uyğun və məhdud zaman çərçivəsində mümkündür.

•  Mükafatlandırma və sertifikatlarla bağlı məlumat şəxsi kabinet və GOC-un rəsmi kommunikasiya kanalları vasitəsilə təqdim ediləcək.

9. İmtahan qaydaları və nizam-intizam

•  İştirakçılar imtahan zalına yalnız təşkilatçıların göstərişi ilə daxil olur və göstərilən yerdə əyləşirlər.

•  Elektron cihazlardan istifadə qadağandır: telefon, ağıllı saat, kalkulyator, naqilsiz qulaqcıq və digər oxşar vasitələr imtahan zalında istifadə oluna bilməz.

•  Şagird imtahana başlamazdan əvvəl ona verilən kitabça və cavab kartını yoxlamalıdır.

•  Hər suala yalnız bir cavab işarələnməlidir. Birdən çox cavab verilən sual səhv cavab kimi qiymətləndirilə bilər.

•  İmtahan zamanı sualın məzmunu, həlli və ya cavab variantları ilə bağlı nəzarətçiyə sual vermək olmaz.

•  Köçürmə, yardım alma və ya yardım etmə halları ciddi qayda pozuntusu hesab olunur və iştirakçının diskvalifikasiyasına səbəb ola bilər.

•  İmtahan zalını tərk etməzdən əvvəl cavab kartı nəzarətçiyə təhvil verilməlidir.

10. Ödəniş və geri qaytarma siyasəti

•  Qeydiyyat zamanı edilən ödənişlər geri qaytarılmır.

•  İmtahanda iştirak edilməməsi ödənişin geri qaytarılması üçün əsas sayılmır.

•  Təşkilati qərara əsasən, zəruri hallarda iştirak hüququ başqa uyğun imtahana və ya növbəti dövrə keçirilə bilər.

•  Keçid və ya dəyişiklik hüququ pul şəklində geri ödəniş yaratmır.

11. Nümunə suallar və sillabus

Nümunə suallar və sillabusla tanış olmaq üçün link:

https://drive.google.com/drive/folders/1oHiNKiZZAauj21mepJ1oibKDgjEYEZst

12. Qaydalar və şərtlər - valideyn təsdiqi üçün

Valideyn “RAZIYAM” seçimini aktiv etməklə aşağıdakı şərtlərlə razılaşmış hesab olunur:

•  İştirak razılığı: Övladımın USA English Olympiad yarışmasında iştirakına könüllü şəkildə razılıq verirəm.

•  Məlumatların doğruluğu: Qeydiyyat zamanı təqdim etdiyim bütün məlumatların düzgün və aktual olduğunu təsdiq edirəm. Yanlış və ya natamam məlumat aşkar edildiyi halda nəticənin ləğv edilə biləcəyini qəbul edirəm.

•  Rəsmi təlimatın qəbulu: Qeydiyyatdan sonra elektron poçt vasitəsilə göndərilən PDF formatlı rəsmi təlimatı oxuduğumu, başa düşdüyümü və qəbul etdiyimi təsdiq edirəm.

•  İmtahan dili ilə bağlı razılıq: İmtahanın əsas dilinin ingilis dili olduğunu, Azərbaycan və rus dillərinin yalnız tərcümə məqsədli təqdim edildiyini qəbul edirəm.

•  Akademik dürüstlük: Övladımın imtahanı müstəqil şəkildə yerinə yetirəcəyini qəbul edirəm. Köçürmə, əlavə materialdan istifadə, telefon və ya digər texniki vasitələrdən istifadə kimi qayda pozuntuları aşkar edildiyi halda nəticənin ləğv olunmasına razıyam.

•  Qiymətləndirmə və apellyasiya: Qiymətləndirmənin obyektiv və rəsmi meyarlara uyğun aparıldığını qəbul edirəm. Nəticələrin yalnız şəxsi kabinet vasitəsilə elan olunacağını təsdiq edirəm. Apellyasiya yalnız rəsmi qaydalara uyğun və məhdud zaman çərçivəsində mümkündür.

•  Təşkilati dəyişikliklər: Global Olympiad Center zəruri hallarda imtahanın tarixi, vaxtı, formatı və məkanı ilə bağlı dəyişiklik etmək hüququna malikdir.

•  Ödəniş və geri qaytarma: Qeydiyyat zamanı edilən ödənişlər, əgər tətbiq olunarsa, geri qaytarılmır. İmtahanda iştirak edilməməsi ödənişin geri qaytarılması üçün əsas sayılmır.

•  Məxfilik: Övladımın şəxsi məlumatlarının yalnız olimpiada və təşkilati proseslərin idarə olunması məqsədilə istifadə olunmasına razılıq verirəm.

•  Foto və video razılığı: Olimpiada zamanı çəkilən foto və videoların nəticələrin elan edilməsi, sertifikatlaşdırma, hesabatlılıq və GOC-un rəsmi media resurslarında istifadəsinə razıyam.

•  Məsuliyyət və yekun təsdiq: Övladımın imtahan qaydalarına əməl etməsinə nəzarət edəcəyimi qəbul edirəm. “RAZIYAM” düyməsini sıxmaqla bütün qaydaları oxuduğumu, başa düşdüyümü və tam şəkildə qəbul etdiyimi təsdiq edirəm.