AIMO 2026-2027

Asiya Beynəlxalq Riyaziyyat Olimpiadası

Rəsmi Təlimat Vərəqi

1. Təşkilati məlumat

2. Keçirilmə məkanları

•  Bakı şəhəri

•  Naxçıvan şəhəri

3. AIMO haqqında

AIMO - Asiya Beynəlxalq Riyaziyyat Olimpiadası şagirdlərdə riyazi düşünmə, məntiqi analiz, problem həll etmə və yaradıcı yanaşma bacarıqlarını inkişaf etdirməyi hədəfləyən beynəlxalq riyaziyyat platformasıdır.

Yarışma şagirdlərə öz biliklərini siniflər üzrə yoxlamaq, fərqli tipli məsələlər üzərində düşünmək və beynəlxalq səviyyəli riyaziyyat təcrübəsi qazanmaq imkanı yaradır.

AIMO nəticələri şagirdlərin akademik portfoliosunu gücləndirə, xüsusilə STEM istiqamətlərinə marağı olan iştirakçılar üçün əlavə üstünlük yarada bilər.

4. İmtahan strukturu

5. Siniflər üzrə imtahan müddəti

6. Qiymətləndirmə meyarları

•  İlk 8 sual: hər düzgün cavab 4 bal

•  Növbəti 8 sual: hər düzgün cavab 5 bal

•  Son 4 sual: hər düzgün cavab 7 bal

•  Səhv cavaba görə bal silinmir.

•  Cavab yazılmayan sual üzrə bal verilmir və bal silinmir.

7. Mükafatlandırma və final hüququ

•  İştirak sertifikatı - seçim turunda iştirak edən bütün şagirdlərə təqdim olunur.

•  Qızıl mükafat: nəticəyə əsasən ilk 10% iştirakçı

•  Gümüş mükafat: növbəti 20% iştirakçı

•  Bürünc mükafat: növbəti 30% iştirakçı

•  Final mərhələsi və beynəlxalq iştirak şərtləri barədə əlavə məlumat şəxsi kabinet və rəsmi kommunikasiya kanalları vasitəsilə təqdim olunacaq.

•  Final mərhələsi ilə bağlı əlavə məlumat üçün Əli Mirzəyev ilə əlaqə saxlamaq olar: +994 50 371 42 80

8. Nəticələr və apellyasiya

•  Nəticələr imtahandan sonra şəxsi kabinetdə elan olunur. İştirakçılar ballarını və nəticə statusunu şəxsi kabinetdən izləyə biləcəklər.

•  Nəticələr elan olunduqdan sonra apellyasiya bölməsi aktivləşdirilə bilər. Apellyasiya müraciətində şagirdin ad-soyadı, sinfi, şikayət edilən sual nömrəsi və əsaslandırılmış izah qeyd olunmalıdır.

•  Apellyasiya müddəti təşkilati qərara əsasən 12 və ya 24 saat aktiv ola bilər. Müddət bitdikdən sonra müraciətlər ekspert heyəti tərəfindən nəzərdən keçirilir və yekun nəticələr sistemdə yenilənir.

9. İmtahan qaydaları və nizam-intizam

•  İştirakçılar imtahan zalına yalnız təşkilatçıların göstərişi ilə daxil olur və göstərilən yerdə əyləşirlər.

•  Elektron cihazlardan istifadə qadağandır: telefon, ağıllı saat, kalkulyator, naqilsiz qulaqcıq və digər oxşar vasitələr imtahan zalında istifadə oluna bilməz.

•  Şagird imtahana başlamazdan əvvəl ona verilən kitabça və cavab kartını yoxlamalıdır. Yanlış kitabça və ya cavab kartı ilə bağlı məsələ imtahan başlamazdan əvvəl qəbul edilə bilər.

•  Hər suala yalnız bir cavab yazılmalı və ya işarələnməlidir. Birdən çox cavab göstərilən sual səhv cavab kimi qiymətləndirilə bilər.

•  İmtahan zamanı sualın məzmunu, həlli və ya cavab variantları ilə bağlı nəzarətçiyə sual vermək olmaz.

•  Köçürmə, yardım alma və ya yardım etmə halları ciddi qayda pozuntusu hesab olunur və iştirakçının diskvalifikasiyasına səbəb ola bilər.

•  İmtahan zalını tərk etməzdən əvvəl cavab kartı nəzarətçiyə təhvil verilməlidir.

10. Ödəniş və dəyişiklik qaydası

•  Sağlamlıq problemi ilə bağlı tibbi arayış təqdim edildikdə, iştirak hüququ başqa uyğun imtahana keçirilə bilər.

•  Fövqəladə hal və ya təbii fəlakət səbəbindən iştirak mümkün olmadıqda, məsələ təşkilatçı tərəfindən ayrıca qiymətləndirilir.

•  İmtahan başlandıqdan sonra heç bir dəyişiklik və ya keçid müraciəti qəbul edilmir.

•  Keçid və dəyişiklik hüququ pul şəklində geri ödəniş yaratmır.

11. Nümunə suallar və sillabus

Nümunə suallar və sillabusla tanış olmaq üçün link:

https://drive.google.com/drive/folders/1gSJNrzp5mG7rh3MOGUQuWR3rWdwCHh5X?usp=sharing