COPERNICUS NATURAL SCIENCE 2027

Amerikanın Beynəlxalq Təbiət Elmləri Olimpiadası

Rəsmi Təlimat Vərəqi

1. Təşkilati məlumat

2. Keçirilmə məkanları

·        Bakı - dəqiq məkan barədə məlumat veriləcək

·        Naxçıvan - dəqiq məkan barədə məlumat veriləcək

3. Copernicus Natural Science haqqında

Copernicus Natural Science beynəlxalq səviyyədə keçirilən təbiət elmləri olimpiadasıdır. Olimpiada şagirdlərin biologiya, kimya, fizika, Yer elmləri və astronomiya üzrə biliklərini, elmi təfəkkürünü və analitik yanaşmasını qiymətləndirməyi hədəfləyir.

Tapşırıqlar yalnız nəzəri məlumatı deyil, təbiət hadisələrini müşahidə etmək, səbəb-nəticə əlaqələri qurmaq, elmi məlumatları təhlil etmək və bilikləri real situasiyalarda tətbiq etmək bacarıqlarını da ölçür.

Seçim turunda uğurlu nəticə göstərən iştirakçılar Copernicus Olimpiadasının ABŞ-də keçiriləcək qlobal final mərhələsinə qeydiyyat hüququ əldə edə bilərlər.

4. İmtahan strukturu

5. Kateqoriyalar

6. Qiymətləndirmə meyarları

·        İlk 5 sual: hər düzgün cavab 4 bal

·        Növbəti 10 sual: hər düzgün cavab 5 bal

·        Son 5 sual: hər düzgün cavab 6 bal

·        Yanlış cavab: 0 bal; mənfi qiymətləndirmə tətbiq edilmir.

·        Cavablandırılmayan sual: 0 bal; bal silinmir.

7. Mükafatlandırma və final hüququ

·        İştirak sertifikatı - seçim turunda iştirak edən bütün şagirdlərə təqdim olunur.

·        40-49 bal: Fəxri fərman

·        50-74 bal: Bürünc medal

·        75-90 bal: Gümüş medal + Qlobal tur qeydiyyatına 5% endirim

·        91-100 bal: Qızıl medal + Qlobal tur qeydiyyatına 10% endirim

·        Final mərhələsi ilə bağlı əlavə məlumat üçün Əli Mirzəyev ilə əlaqə saxlamaq olar: +994 50 371 42 80

8. Nəticələr və apellyasiya

·        Nəticələr imtahandan sonra şəxsi kabinetdə elan olunur. İştirakçılar ballarını, doğru və yanlış cavab sayını, həmçinin suallar üzrə cavab statusunu şəxsi kabinetdən izləyə biləcəklər.

·        Nəticələr elan olunduqdan sonra apellyasiya bölməsi aktivləşdirilə bilər. Apellyasiya müraciətində şagirdin ad-soyadı, kateqoriyası, şikayət edilən sual nömrəsi və əsaslandırılmış izah qeyd olunmalıdır.

·        Apellyasiya müddəti təşkilati qərara əsasən 12 və ya 24 saat aktiv ola bilər. Müddət bitdikdən sonra müraciətlər ekspert heyəti tərəfindən nəzərdən keçirilir və yekun nəticələr sistemdə yenilənir.

·        Mükafatlandırma ilə bağlı məlumat şəxsi kabinet və GOC-un rəsmi kommunikasiya kanalları vasitəsilə təqdim ediləcək.

9. İmtahan qaydaları və nizam-intizam

·        İştirakçılar imtahan zalına yalnız təşkilatçıların göstərişi ilə daxil olur və göstərilən yerdə əyləşirlər.

·        Elektron cihazlardan istifadə qadağandır: telefon, ağıllı saat, kalkulyator, naqilsiz qulaqcıq və digər oxşar vasitələr imtahan zalında istifadə oluna bilməz.

·        Şagird imtahana başlamazdan əvvəl ona verilən kitabça və cavab kartını yoxlamalıdır. Yanlış kitabça və ya cavab kartı ilə bağlı məsələ imtahan başladıqdan sonra qəbul edilməyə bilər.

·        Hər suala yalnız bir cavab işarələnməlidir. Birdən çox cavab verilən sual səhv cavab kimi qiymətləndirilə bilər.

·        İmtahan zamanı sualın məzmunu, həlli və ya cavab variantları ilə bağlı nəzarətçiyə sual vermək olmaz.

·        Köçürmə, yardım alma və ya yardım etmə halları ciddi qayda pozuntusu hesab olunur və iştirakçının diskvalifikasiyasına səbəb ola bilər.

·        İmtahan zalını tərk etməzdən əvvəl cavab kartı nəzarətçiyə təhvil verilməlidir.

·        İmtahan sualları rəsmi sillabus və nümunə suallar əsasında hazırlanır.

10. Ödəniş və dəyişiklik qaydası

·        Sağlamlıq problemi ilə bağlı tibbi arayış təqdim edildikdə, iştirak hüququ başqa uyğun imtahana keçirilə bilər.

·        Fövqəladə hal və ya təbii fəlakət səbəbindən iştirak mümkün olmadıqda, məsələ təşkilatçı tərəfindən ayrıca qiymətləndirilir.

·        İmtahan başladıqdan sonra heç bir dəyişiklik və ya keçid müraciəti qəbul edilmir.

·        Keçid və dəyişiklik hüququ pul şəklində geri ödəniş yaratmır.

11. Nümunə suallar və sillabus

Nümunə suallar və sillabusla tanış olmaq üçün link:

https://drive.google.com/drive/folders/10cmPlP-RWj4IlgA0fUYJqCkb0GYBPq4l?usp=sharing

Əziz azərbaycanlı şagirdlər,

Sizi 2027-ci ilin yanvar ayında ABŞ-nin Texas ştatının Hyuston şəhərində, Rice Universitetində keçiriləcək Copernicus Olimpiadasının Natural Science, Physics və Astronomy istiqamətləri üzrə Beynəlxalq Final mərhələsində iştirak etməyə dəvət edirik.

Dünyanın 40-dan çox ölkəsindən gələn istedadlı şagirdləri bir araya gətirəcək bu beynəlxalq tədbir sizə təbiət elmləri, fizika və astronomiya sahəsində biliklərinizi nümayiş etdirmək, analitik düşünmə və problem həll etmə bacarıqlarınızı beynəlxalq səviyyədə sınamaq imkanı yaradacaq.

Final proqramı yalnız imtahanla məhdudlaşmır. İştirakçılar NASA-nın kosmik tədqiqat və texnologiyaları ilə yaxından tanış olacaq, mütəxəssislərin təqdimatlarını dinləyəcək və kosmik elmin gələcəyi haqqında dəyərli məlumatlar əldə edəcəklər. Bu təcrübə şagirdlərin elmə marağını artırmaqla yanaşı, gələcək akademik və peşəkar istiqamətlərini müəyyənləşdirmələrinə də töhfə verəcək.

Proqram çərçivəsində Houston Təbiət Elmləri Muzeyinə ziyarət, elmi və mədəni ekskursiyalar, müxtəlif ölkələrin təqdim olunduğu Millətlər Gecəsi, istedad nümayişləri və beynəlxalq iştirakçılar arasında dostluq əlaqələrinin qurulmasına yönəlmiş tədbirlər təşkil olunacaq. Hava şəraiti uyğun olduğu halda astronomik müşahidə və ulduzların izlənilməsi proqramının keçirilməsi də nəzərdə tutulur.

Copernicus Olimpiadasının Beynəlxalq Finalı şagirdlərə medal və sertifikat qazanmaqla yanaşı, beynəlxalq akademik təcrübə əldə etmək, fərqli mədəniyyətlərlə tanış olmaq, yeni dostluqlar qurmaq və təhsil portfoliolarını gücləndirmək üçün unikal imkan təqdim edir.

Sizi elmin, kəşfin və beynəlxalq əməkdaşlığın bir araya gəldiyi bu möhtəşəm tədbirdə görməkdən məmnun olarıq.

Gəlin, elmin sərhədlərini birlikdə genişləndirək və gələcəyin tədqiqatçılarını formalaşdıraq!

Hörmətlə,
Copernicus Olimpiadası Komitəsi