1. OLİMPİADA HAQQINDA VƏ MƏQSƏDLƏR

Azərbaycan Milli İqtisadiyyat Olimpiadası (AzMİO) şagirdlərin iqtisadiyyat və maliyyə savadlılığı üzrə biliklərini, analitik düşünmə qabiliyyətlərini və real problemlərə iqtisadi yanaşma bacarıqlarını inkişaf etdirmək məqsədilə təşkil olunur.

AzMİO, iqtisadiyyat sahəsinə maraq göstərən 5–11-ci sinif şagirdləri üçün milli səviyyədə akademik seçim platformasıdır. Olimpiada şagirdlərə iqtisadi anlayışları sistemli öyrənmək, maliyyə qərarlarını qiymətləndirmək, arqument qurmaq və beynəlxalq səviyyədə Azərbaycanı təmsil etmək imkanı yaradır.

Əsas məqsədlər

·   Şagirdlərin iqtisadi və maliyyə savadlılığını inkişaf etdirmək;

·   Mikroiqtisadiyyat, makroiqtisadiyyat və beynəlxalq iqtisadiyyat üzrə əsas anlayışları mənimsətmək;

·   Məlumatı təhlil etmək, qərar vermək və iqtisadi arqument qurmaq bacarıqlarını ölçmək;

·   İstedadlı şagirdləri aşkar etmək və milli komandaya seçim üçün akademik baza yaratmaq;

·   Gənclərdə məsuliyyətli maliyyə davranışı və sahibkarlıq düşüncəsi formalaşdırmaq.

Milli seçim funksiyası

AzMİO iki mərhələdən ibarətdir. I mərhələdə yüksək nəticə göstərən iştirakçılar II mərhələyə – Final turuna vəsiqə qazanırlar. Azərbaycan milli komandasının yekun tərkibi yalnız II mərhələnin nəticələrinə əsasən müəyyən edilir.

2. SEÇİM TURUNUN TARİXİ, ŞƏHƏRLƏRİ VƏ ƏSAS MƏLUMATLAR

İmtahan səviyyələri

Seçim turunun texniki göstəriciləri

3. İMTAHAN STRUKTURU VƏ MƏRHƏLƏLƏR

I mərhələ – Seçim turu

Bütün qeydiyyatdan keçmiş iştirakçılar 10 yanvar 2027-ci il tarixində Bakı və Naxçıvan şəhərlərində keçiriləcək I mərhələdə – Seçim turunda iştirak edirlər. Nəticələr Junior və Senior kateqoriyaları üzrə ayrıca hesablanır. Hər kateqoriya üzrə ən yüksək nəticə göstərən iştirakçıların 30 faizi II mərhələyə – Final turuna vəsiqə qazanır.

II mərhələ – Final turu

·   Final mərhələsində iştirakçılara qapalı və açıq tipli, daha yüksək analitik düşüncə tələb edən iqtisadiyyat və maliyyə savadlılığı tapşırıqları təqdim olunur.

·   Final mərhələsi iştirakçıların iqtisadi təhlil, qərarvermə, arqumentasiya və tətbiqi problem həlli bacarıqlarını daha dərin səviyyədə qiymətləndirir.

·   Final mərhələsinin əsas məqsədi qalibləri və Azərbaycan milli komandasına seçiləcək ən yüksək nəticəli şagirdləri müəyyən etməkdir.

·   Tarix və məkan: Final mərhələsinin tarixi ayrıca elan olunacaq. İmtahan Bakı və Naxçıvan şəhərlərində təşkil ediləcək; dəqiq ünvanlar şəxsi kabinetdə və GOC-un rəsmi kanallarında təqdim olunacaq.

4. QİYMƏTLƏNDİRMƏ, MÜKAFATLANDIRMA VƏ MİLLİ KOMANDAYA SEÇİM

Qiymətləndirmə prinsipləri

·   Nəticələr Junior və Senior kateqoriyaları üzrə ayrıca hesablanır;

·   Qiymətləndirmə cavab kartı və təsdiqlənmiş cavab açarı əsasında aparılır;

·   Eyni bal olduğu hallarda təşkilat komitəsi əlavə meyar və ya əlavə qiymətləndirmə tətbiq edə bilər;

·   Yekun nəticələr ekspert yoxlamasından sonra təsdiqlənir;

·   Təşkilat komitəsinin təsdiqlədiyi yekun protokol rəsmi nəticə hesab olunur.

Mükafatlandırma modeli

Mükafatlandırma və yekun qalib sıralaması II mərhələnin – Final turunun təsdiqlənmiş nəticələri əsasında müəyyən edilir.

Milli komandaya seçim prosesi

1. I mərhələdə hər kateqoriya üzrə ən yüksək nəticə göstərən 30 faiz iştirakçı Final turuna dəvət olunur.

2. Final iştirakçıları II mərhələnin rəsmi imtahan tapşırıqlarını yerinə yetirirlər.

3. Milli komanda namizədləri Final turunda göstərdikləri yekun nəticələrə əsasən sıralanırlar.

4. Milli komandaya seçilən şagirdlər üçün beynəlxalq mərhələyə hazırlıq proqramı təşkil olunur.

5. Azərbaycan milli komandasının tərkibi yalnız II mərhələnin – Final turunun nəticələrinə əsasən AzMİO Təşkilat və Ekspert Komitəsi tərəfindən müəyyən edilir.

5. İMTAHAN QAYDALARI, NƏTİCƏLƏR VƏ TƏŞKİLATİ ŞƏRTLƏR

İmtahan günü iştirakçıların öhdəlikləri

·   İştirakçı şəxsi kabinetində göstərilən vaxtdan gec olmayaraq imtahan məkanında olmalıdır;

·   Şəxsiyyəti və qeydiyyatı təsdiqləyən sənəd təqdim edilməlidir;

·   Mobil telefon, ağıllı saat, qulaqcıq, kalkulyator və digər elektron vasitələrdən istifadə qadağandır;

·   Cavab kartında iş nömrəsi, ad və soyad düzgün qeyd edilməlidir;

·   Hər suala yalnız bir cavab işarələnməlidir; birdən çox cavab verilən sual etibarsız hesab olunur;

·   İmtahan zamanı yardım almaq, yardım göstərmək, köçürmək və digər akademik qayda pozuntuları diskvalifikasiyaya səbəb olur;

·   İmtahan materialları nəzarətçinin icazəsi olmadan zal xaricinə çıxarıla bilməz.

Nəticələrin elan olunması

·   İlkin və yekun nəticələr şəxsi kabinetdə və GOC-un rəsmi kommunikasiya kanallarında elan olunur;

·   Final mərhələsinin tarixi, dəqiq ünvanı və iştirak qaydaları I mərhələnin nəticələri elan edildikdən sonra şəxsi kabinetdə və GOC-un rəsmi kanallarında açıqlanır;

·   Apellyasiya müddəti və müraciət qaydası nəticələrin elan edildiyi zaman ayrıca bildirilir;

·   Müəyyən edilmiş müddət başa çatdıqdan sonra daxil olan müraciətlər qəbul edilmir.

Təşkilati dəyişikliklər

Global Olympiad Center zəruri təşkilati və təhlükəsizlik hallarında imtahanın məkanını, zal bölgüsünü, başlanma vaxtını və ya keçirilmə formatını dəyişmək hüququna malikdir. Dəyişiklik olduğu halda məlumat iştirakçılara şəxsi kabinet və rəsmi kommunikasiya kanalları vasitəsilə təqdim edilir.

İştirak haqqı

6. AzMİO SİLLABUSU: İQTİSADİYYAT

6.1. Mikroiqtisadiyyat

6.2. Makroiqtisadiyyat

6.3. Beynəlxalq iqtisadiyyat

Hazırlıq yanaşması

·   Anlayışların təriflərini əzbərləməklə kifayətlənməyin; onların real situasiyalarda necə işlədiyini izah etməyi öyrənin;

·   Qrafik, cədvəl və sadə statistik məlumatları şərh etməyi məşq edin;

·   Səbəb–nəticə əlaqələri qurun və alternativ iqtisadi qərarları müqayisə edin;

·   İqtisadi terminlərin Azərbaycan və ingilis dilində qarşılığını öyrənin;

·   Maliyyə və iqtisadi xəbərləri əsas anlayışlarla əlaqələndirin.

7. AzMİO SİLLABUSU: MALİYYƏ SAVADLILIĞI VƏ RESURSLAR

Tövsiyə edilən resurslar

·   CORE Econ Project – The Economy: iqtisadiyyatın əsas anlayışları və real nümunələr;

·   N. Gregory Mankiw – Principles of Economics: mikro və makroiqtisadiyyat üzrə baza mənbə;

·   GFLEC Personal Finance Course: şəxsi maliyyə savadlılığı;

·   FDIC – Money Smart for Young Adults: gənclər üçün maliyyə qərarları və bankçılıq;

·   PwC Financial Literacy Curriculum: maliyyə planlaması və risklərin idarə olunması.

Sual nümunələri:  https://drive.google.com/drive/folders/1ZNr-zHjabGMEms1dvpKY8cQ2cFpvjr66?usp=sharing