Azərbaycanda 20 oktyabr tarixində FMO Beynəlxalq Riyaziyyat Yarışması seçim turu təşkil olunacaq.
Fermat Riyaziyyat Olimpiadası (FMO) hər il Vyetnamın Fermat Təhsil Təşkilatı tərəfindən təşkil edilən bir müsabiqədir. 2-ci sinifdən 11-ci sinfə qədər olan şagirdlər üçün nəzərdə tutulmuş bu olimpiada, riyaziyyata həvəsi olan şagirdlər üçün bir platformadır. FMO-nun məqsədi şagirdlərin riyazi bacarıqlarını inkişaf etdirmək və onlara riyaziyyatı gündəlik həyatda tətbiq etmə qabiliyyətini artırmaqdır. Bu, ənənəvi imtahanlardan fərqli olaraq, şagirdlərə riyaziyyatın əhəmiyyətini praktik problemlər vasitəsilə təqdim edir.
FMO, Vyetnamın bütün əyalətlərindən və şəhərlərindən iştirakçıları, həmçinin Azərbaycan, Hindistan, Kamboca, Honq Konq, İndoneziya, Makao, Filippin, Tayland, Özbəkistan və s. kimi ölkə və ərazilərdən namizədləri cəlb edir. 2024-2025 mövsümündə keçiriləcək FMO 5-ci mövsümü, şagirdlərə qlobal səviyyədə riyazi problemlərdə iştirak etmək imkanı verəcək və onlara digər ölkələrdən olan həmyaşıdları ilə əvəzsiz təcrübələr yaşamağa imkan yaradacaq.
Yarışmada iki mərhələdən ibarətdir: Yerli və Qlobal mərəhələ.
SEÇİM TURUNUN İMTAHAN STRUKTURU HAQQINDA QAYDALAR
Yaş qrupları:
2024-2025 tədris ili üçün 2-ci sinifdən 11-ci sinifə qədər olan bütün şagirdlər iştirak edə bilərlər.
Kateqoriyalar:
Şagirdlər 2024-2025 tədris ilinə əsasən kateqoriya seçirlər. Məsələn, 2023-2024 tədris ilində 3-cü sinfi bitirən bir şagird növbəti il üçün "4-cü sinif" kateqoriyasında iştirak etməlidir.Yəni bu il üçün qeydiyyatı 4-cü sinif olmalıdır.
İmtahan strukturu:
Seçim mərhələsi:
Bölmələr və qiymətləndirmə:
- İsinmə mərhələsi: 10 çoxseçimli sual, hər düzgün cavab üçün 3 bal verilir.
- Sürət mərhələsi: 5 çoxseçimli sual, hər düzgün cavab üçün 5 bal verilir.
- Çağırış mərhələsi: 5 çoxseçimli sual, hər düzgün cavab üçün 7 bal verilir.
- Ümid Ulduzu: 1 açıq tipli sualı. Düzgün cavab üçün +10 bal, səhv cavab üçün -10 bal. Sual cavablandırılmasa, bal itirilmir.
İmtahan müddəti:
- İbtidai siniflər (2-5-ci siniflər): 60 dəqiqə
- Orta və yuxarı siniflər (6-11-ci siniflər): 90 dəqiqə
Ümumi bal hesablanması:
(30+25+35)+10=100 bal
Qeydlər:
- Yuxarı sinif şagirdləri (10-11-ci siniflər) eyni imtahanı verəcək və nəticələrə əsasən ümumi sıralamada iştirak edəcəklər.
- FMO Beynəlxalq Riyaziyyat Yarışmasının iştirakçıları siniflərinə görə yarışacaqlar.
Qeyd: Siniflər bu ilin sentyabrında gedəcəkləri siniflər olaraq qəbul edilir.
Seçim turu üçün mükafatlar:
Mükafatlandırma Kriteriyaları:
- İmtahan kağızından maksimum bal toplayan iştirakçılar (100 bal).
- Yalnız 200-dən çox iştirakçı olan ölkələrdə tətbiq olunur.
- Mükafat: 200 ABŞ dolları
Əla Nəticə:
- Hər sinifdə ən yüksək nəticə göstərən iştirakçılar.
- Yalnız 100-dən çox iştirakçı olan kateqoriyalarda tətbiq olunur.
- Mükafat: 80 ABŞ dolları
- Qızıl Mükafat: - Hər sinifdə ilk 10%-ə düşən iştirakçılar.
- Gümüş Mükafat: - Hər sinifdə növbəti 20%-ə düşən iştirakçılar.
- Bürünc Mükafat: - Hər sinifdə növbəti 30%-ə düşən iştirakçılar.
- Həvəsləndirici Mükafat:- Hər sinifdə növbəti 20%-ə düşən iştirakçılar.
Qeyd:
- Pul mükafatı olan mükafatlarda, bir neçə iştirakçı eyni mükafatı alırsa, mükafat bərabər bölünəcək.
- Qızıl, gümüş və ya bürünc mükafat alan iştirakçılar final mərhələsinə qeydiyyatdan keçə bilərlər.
- Sıralama faizləri bütün iştirakçıların nəticələrinə görə dəyişə bilər.
Seçim turu təqvim:
- Qeydiyyat bitiş tarixi: 18.10.2024
- Olimpiada günü: 20.10.2024
- Olimpiada başlama saatı: Təlimatda qeyd olunub
Fermat Mathematical Olympiad (FMO) iştirakçıları müxtəlif faydalar əldə edirlər. Birincisi, müsabiqə onlara riyazi problemləri yüksək səviyyədə həll etmə bacarıqlarını inkişaf etdirmək və daha irəliləmiş riyazi biliklərini nümayiş etdirmək imkanı verir. İkincisi, iştirakçılar öz riyazi qabiliyyətlərini digər şagirdlərlə müqayisə edə bilərlər, bu da onlara öz güclü və zəif tərəflərini görməkdə kömək edir. Üçüncüsü, FMO-nun nəticələri iştirakçılara universitet qəbul imtahanlarında və akademik müraciətlərdə üstünlük təmin edir. Ayrıca, bu müsabiqə iştirakçılara riyaziyyat sahəsində daha geniş bir şəbəkə qurmaq və gələcəkdə akademik və peşəkar imkanlar üçün yaxşı bir başlanğıc təmin edə bilər.
